Ehe für alle in der Provinz

“Bist etz a a Hinterlader worn?”

“Ha?”

“No, weilsd im Facebook drin ollerweil schreibsd, dass de Hinterlader etz a heirodn deafa soin.”

“Gibt ja a Fraun, de wo se gernham ...”

“Höhhöh, dös gfoid ma schon bessa!”

“Im Ernst: warum sollns ned heiraten?”

“Naja, weil mir san do konservativ und katholisch!”

“Gegas katholisch konn ich jetzt ned o ... außer, dass da Herrgott die am liaban hod, de wo sündigen, ois wia de, de wo andere schlechtredn. Aber host scho moi nochdenkt, wos konservativ hoassd?”

“Na, dass ma oide Werte vertritt!”

“Und, wos san des für Werte?”

“In dem Foi, dass ma zamhoid, dass ma se huifd, dass ma se gernhod und ned aufgibt, wenns amoi schwierig wead. Dass ma hoid a Verantwortung übanimmt.”

“Und wos machan zwoa Schwule, de wo heiradn - im Gegnsatz zu am Buam und am Madl in aram gschlampertn Verhoidnis?”

“...!”

“... :) ...”